招财密码
潘启才（Phemey），测量师出身，试过轻轻松松年薪过百万，亦试过胼手胝足地创业。后来发觉帮人做成生意最过瘾，成功拉拢买卖双方便稳袋几百万，至此「通天经纪」之名便不胫而走。眼光准、胆量大兼且身体力行，搞炒股投资班大赚一笔之余，亦计划大搞创业班，矢言教授云云打工仔、待业青年、大学生无本生利，财来八方的本事。
【标题】细细粒的环联连讯，究竟容唔容易食？
今天要介绍呢只新股环联连讯（01473）。2月4日星期四截止认购，农历新年后2月18日正式上市。招股价0.52至0.58元，每手4,000股，入场费2,343.38元。以上限价0.58元计算，市值约5.8亿元，属于细价股。环联连讯成立于1990年，系一间电讯业公司，主要向客户采购同分销零部件，仲提供埋解决方案同技术支援。按2019年收益计算，环联连讯喺中国电讯接驳产品分销市场市场份额4.4%，排名第三，无咩特别。环联连讯既业绩就唔错，2018至2020年，呢间公司的收入分别为8.43亿、8.71亿、9.71亿，年复合增长率为7.3%。净利润就分别有3102万、3511万、4194万，以上限定价黎睇，PE都系13倍左右。就咁睇都算系一间正经做生意既公司。
不过睇真d，原来呢间公司既财政状况相当唔掂，最近负债愈黎愈多，2018-2021年头四个月，环联连讯资产负债比率分别为270%、240%、210%、220%。同期流动负债分别为3.42亿、3.73亿、3.68亿、5.89亿港元，间公司既负债仲大个市值，唔怪得要上市集资啦！
仲有样令人担心既野系，环联连讯第一日孖展已经超左11倍，超额倍数唔多唔少，就黎去到回拨30%果个位。若果最后不幸超额刚好过15倍，就会回拨到30%。呢d小型新股唔同快手之类既大股，回拨多反而唔系好事，有可能成为庄家散货既途径，令只股一上市就收皮。睇埋个保荐人资料。呢间公司的保荐人系竤信国际，最近两年无咩点搞IPO保荐，所以无得参考。加埋以上既因素，环联连讯既不稳定因素好多，同埋招股期超长，成十几日，会锁住好资金好耐。所以，我就唔建议各位观众留意呢只股票喇。
转载请注明：牛牛网 » 潘啟才：細細粒的環聯連訊，究竟容唔容易食？